دُکھے ہوئے ہیں ہمیں اور اب دُکھاؤ نہیں

[intelligent086]

دُکھے ہوئے ہیں ہمیں اور اب دُکھاؤ نہیں
جو ہو گئے ہو فسانہ تو یاد آؤ نہیں

خیال و خواب میں پرچھائیاں سی ناچتی ہیں
اب اس طرØ+ تو مری روØ+ میں سماؤ نہیں

زمیں کے لوگ تو کیا ‘دو دلوں کی چاہت میں
خدا بھی ہو تو اسے درمیان لاؤ نہیں

تمہارا سَر نہیں طِفلانِ رہ گزر کے لئیے
دیارِسنگ میں گھر سے نکل کے جاؤ نہیں

سوائے اپنے کسی کے بھی ہو نہیں سکتے
ہم اور لوگ ہیں لوگو ہمیں ستاؤ نہیں

ہمارے عہد میں یہ رسمِ عاشقی ٹھہری
فقیر بن کے رہو اور صدا لگاؤ نہیں

وہی لکھو جو لہو کی زباں سے ملتا ہے
سخن کو پردہِ الفاظ میں چھپاؤ نہیں

سپرد کر ہی دیا آتشِ ہنر کے تو پھر
تمام خاک ہی ہو جاؤ کچھ بچاؤ نہیں

[intelligent086]

@Mariaa @maya